Sogn KO

Regiontillitsvalde

Dialogen med dei tillitsvalde i kommunane er avgjerande for å lukkast i arbeidet i Sogn KO

Arbeidstakarorganisasjonane i dei seks kommunane har etablert regiontillitsvald med vararepresentant.

Det er etablert nokre faste strukturar for å sikre og vidareutvikle dialogen:

• Regiontillitsvalde: Organisasjonane er utfordra og dei største har etablert regiontillitsvalde med vararepresentant. Det er etablert ein eigen Teamskanal for dei regiontillitsvalde. Her kan dei kommunisere og dele informasjon. 

• Styresaker: Styremøta i Sogn KO er opne. Sakliste for styremøte vert publisert 14 dagar før møtet, og komplette sakspapir 7 dagar før. I forkant av alle styremøte i Sogn KO er dei regiontillitsvalde inviterte til gjennomgang av styresakene, og har høve til å kome med innspel som administrasjonen evt tek vidare til styret.

• Innsikt og utgreiing: Når Sogn KO set i gang utgreiingar og innsiktsarbeid, vert dei relevante tillitsvalde inviterte til å delta i øktene med dei tilsette i tenestene, og vert inviterte til oppsummerande-/løysingsøkter.

• Sakshandsaming: Det er naturleg å nytte dei tilsette sin fagkunnskap i samband med sakshandsaming.

• Takhøgd: Generelt skal det vere god takhøgd mellom dei tillitsvalde og Sogn KO, og om tillitsvalde har behov for informasjon eller treffpunkt, legg administrasjonen til rette for det.Det er likevel verdt å merke seg at sjølv om Sogn KO har eit aktivt samspel med dei tillitsvalde, så tek vi ikkje over ansvaret frå kommunane. Det er avgjerande for å få til den gode dialogen, at dei tilsette og tillitsvalde får god informasjon og dialog med kommunane sine.