Sogn for alle

Samandrag

Sogn for alle har vore eit regionalt prosjekt for å styrkje inkludering, sysselsetjing og bulyst blant innvandrarar i Sogn. Prosjektet har samla kommunar, næringsliv, Nav, opplæringstenester og frivillig sektor om tiltak som kombinerer arbeid, språk og tett oppfølging.

Bakgrunn

Målet med prosjektet Sogn for alle er å sikre verdiskaping og meir vekst gjennom auka sysselsetjing og bulyst blant innvandrarar. Ei vellukka integrering krev innsats og samhandling frå det offentlege, privat næringsliv og frivilligheita.

Prosjektet er delfinansiert med tilskot frå Vestland fylkeskommune.

Fakta om prosjektet

Prosjekteigar:
Sogn KO

Kontaktperson:
Ida Brastad Ramsfjell, Sogn næring

Status og vegen vidare

Sogn for alle svarer godt på næringslivet sitt behov for meir arbeidskraft og auka arbeidsdeltaking blant innvandrarar. Erfaringane frå prosjektet viser at kombinasjonen av arbeid, språk og tett oppfølging gir gode resultat. Gjennom prosjektet er det utvikla tiltak som styrkjer både innvandrarar sine moglegheiter i arbeidslivet og verksemdene sin kompetanse på inkludering. Prosjektet har òg bidrege til meir samarbeid på tvers av kommunar, næringsliv, Nav, opplæringstenester og frivillig sektor.

Sjølv om prosjektperioden i stor grad er avslutta, blir arbeidet vidareført gjennom Sogn KO og næringsnettverket. Tiltak som Sogn Opportunity, bedriftsnettverk og andre inkluderingsinitiativ skal bidra til at fleire får brukt kompetansen sin, kjem i arbeid og blir verande i Sogn.

Sogn Næring koordinerer arbeidet som dei har gitt namnet Mitt Sogn (MI= mangfald og inkludering).