Ressurskrevjande tenester
Samandrag
Dei seks kommunane i Sogn vil samarbeide om tenester til personar med særleg krevjande tenestebehov. Behovet for spesialiserte tenester aukar, særleg for brukarar med krevjande åtferd og samansette behov innan psykisk utviklingshemming, psykisk helse og autismespekteret. I dag kjøper kommunane tenestene frå private aktørar. Gjennom å satse regionalt kan vi byggje opp og vidareutvikle eit sterkt fagmiljø innan dei ressurskrevjande helse- og omsorgstenestene. Eit slikt fagmiljø vil gje høgare kvalitet i tenestene og skape eit meir robust og framtidsretta tilbod.
Den første fasen skal gje kommunane eit kunnskapsgrunnlag, gje tilråding til samarbeidsmodell og munne ut i ein konkret gjennomføringsplan for fase 2.
Mål og hovudaktivitetar
Følgjande mål skal realiserast i prosjektperioden:
Effektmål:
Kommunane skal bygge gode og stabile fagmiljø med høgare kompetanse, gje eit betre og meir heilskapleg tilbod for personar med særleg krevjande tenestebehov, og samtidig oppnå økonomisk gevinst gjennom effektiv ressursbruk.
Resultatmål:
Kommunane i Sogn skal gjennomføre ei utgreiing som gir tilstrekkeleg innsikt og eit kunnskapsgrunnlag for å kunne ta ei avgjerd om og planleggje for eit interkommunalt samarbeid om ressurskrevjande tenester.
Sogn KO etablerer seks arbeidspakkar for gjennomføring av prosjektet:
Juridiske vurderingar
Kartlegging og innsiktsarbeid i kommunane
Samordning med liknande tenester
Samordning av kjøp frå private aktørar
Interkommunalt samarbeid om ressurskrevjande tenester
Privat-offentleg samarbeid
Prosjektet er finansiert av skjønsmidlar frå Statsforvaltaren, midlar frå Sogn KO og eigeninnsats frå dei seks kommunane.
Fakta om prosjektet
Prosjekteigar:
Sogn KO
Prosjektleiar:
Jorunn Folgerø-Holm, KS Konsulent
Styringsgruppe:
Kommunalsjefnettverket for helse og omsorg
Prosjektgruppe:
Tverrfagleg gruppe med representantar frå kommunane inkludert tillitsvalde
Finansiering:
Skjønsmidlar Statsforvaltaren og kommunale midlar
Dokument
Tidsplan
Mai-desember 2026: Utgreiing av arbeidspakkene 1-6
Februar 2027: Sluttrapport til styret med tilråding til samarbeid og vegen vidare
Mars-april 2027: Vurdera vidare arbeid og politisk handsaming i kommunane
April-mai 2027: Planlegge fase 2 for å gjennomføre vedteken samarbeidsmodell
