Info:
Inviterte: Alle tilsette ved skulane, PPT og andre samarbeidspartar i Sogn.
NB! For tilsette i Sogndal kommune varer den fysiske samlinga fram til kl 15.30.
Kvar: Einingane organiserer for felles digital sending og gjennomføring av refleksjonsoppgåver i høvelege grupper. Øyre Lyd hjelper oss med digital strøyming av føremiddagen, og lenkja til sendinga vert sendt til rektorane, PPT-leiarar og andre sentrale aktørar i veke 32. Fint om de går inn på lenkja 10-15 minuttar før sendinga startar for å sjå at alt verkar teknisk. Det kan vere lurt å ha dialog med IT-støtte i kommunen i forkant. Tilsette i Sogndal kommune møter på Quality Hotel Sogndal, «Fjordsalen 1 og 2».
Påmeldingsavgift: Den digitale strøyminga vert dekka av regionale midlar. Oppvekst Sogndal dekker dagpakke for sine tilsette.
Det er nasjonalt senter for nynorsk i opplæringa (Nynorsksenteret) som bidreg til dagens tematikk TID FOR LESING
Bakgrunnen for val av tematikk er at leseresultata i Norge har vore synkande over fleire år, og både kommunane lokalt og Sognaregionen vil ha fokus på tematikken dei næraste åra. Satsinga er nedfelt i handlingsplan for System for styrka læring 2026-2028. Les gjerne meir om Nynorsksenteret her.
Program:
08.45- 09.00: Velkommen og praktisk informasjon v/arrangørgruppa
09.00- 10.45: Nasjonal satsing på lesing v/ Nynorsksenteret • Kvifor er leselyst og lesemotivasjon så sentralt for leseopplæringa? • Kva vil det seie å vere ein leselærar? • Kva kjenneteiknar ein god lesar? Det vert lagt inn ein pause i denne økta.
10.45- 11.00: Pause
11.00- 11.45: Rettleia lesing v/ Nynorsksenteret 11.45: Den digitale strøyminga vert avslutta. Etter lunsj vert det arbeid med refleksjonsoppgåver på eininga for dei som deltek digitalt.
11.45- 12.00: Tid for lesing satsing i Sogndal kommune v/ lesegruppa i Sogndal kommune
12.00- 12.30: Lunsj. Det blir servert bagettar i foajeen Program etter lunsj for Sogndal kommune (fysisk samling på hotellet) - parallelløkter:
12.30- 14.00: Vel mellom o 1.–4. trinn: Les for meg! Eit verktøy for motivasjon og meistring – Høgtlesing, kartlegging og tilbakemelding i begynneropplæringa o 5.–10. trinn: Når lesing blir ein del av kvardagen – Den timeplanfesta lesinga: presentasjon av Lesekvart +
14.00- 14.15: Pause
14.15- 15.00: o Parallelløkter – 3 delt Vel småtrinn 1.- 4, mellomtrinn 5.- 7. eller ungdomstrinn 8.-10: Korleis kan vi fremje motivasjon for lesing i ein tverrfagleg kontekst? – Presentasjon av litteratur og konkrete undervisingsopplegg
15.00- 15.30: Evaluering Sogndalsskulen og avslutning v/ Lesegruppa i Sogndal kommune
Det er fint om leiarane deler personalet inn i høvelege grupper på førehand slik at tida vert nytta effektivt. Oppgåver vert sendt ut seinast 10.august. Me ser på mogelegheiter for å gjere opptak av sendinga for internt bruk i regionen dette skuleåret, dersom nokon vil sjå sendinga seinare/ fleire gonger. Me kjem tilbake til det når lenkja til strøyming vert sendt ut.
Det vert mellomliggande arbeid med rettleia lesing fram til neste regionale planleggingsdag 6.november. Nynorsksenteret blir med oss den dagen også. Meir informasjon om dette får de på samlinga 12.august.
Me håpar de opplever den regionale planleggingsdagen som relevant og lærerik, og at det gir rom for refleksjon og gode diskusjonar i personalgruppa i etterkant. Me ynskjer dykk alle ei god læringsøkt saman med kollegaer frå heile Sogn!
Takk for at leiarane fyller ut evalueringa på vegne av personalet sitt innan 18.8