Om arrangementet
Velkommen til fagdag barnehage som hausten 2026 har tematikk knytt til fagområdet i rammeplanen kunst, kultur og kreativitet.
Rakel Elice Huglen underviser ved Høgskulen på Vestlandet, institutt for kunstfag. Der underviser ho mellom anna i Kunst, kultur og kreativitet ved barnehagelærarutdanninga. Blant interesseområda hennar er visuelle tilnærmingar og skapande prosessar hjå barn. Ho har nyleg skreve eit kapittel i boka «Å vere ein modig maur».
Program
09.00- 09.05: Velkommen og kort informasjon
09.05- 11.15:
Rakel sitt innlegg er basert på kapitelet ho nyleg har skreve. Der får me eit innblikk i studentar på barnehagelærarutdanninga sin kreative prosess med utgangspunkt i rabbel og drodling. Det blir også satt av tid til refleksjon i par eller små grupper.
Broderiworkshop: Det blir også ein liten verkstadaktivitet med broderi. Prosjektet er ein del av Rakel sitt FoU prosjekt. Krev ingen forkunnskapar.
Inkludert 15 min pause
11.15- 12.00: Lunsjpause
12.00- 13.45: Me jobbar i grupper med fagområdet kunst, kultur og kreativitet. Her skal me utfordre oss sjølve, dele erfaringar og diskutere på tvers av barnehagane i Sogn. Ta gjerne med deg idear frå eigen barnehage som kan delast med kollegar.
Inkludert 15 min pause
13.45- 14.00: Evaluering og avslutning
Velkommen!
På vegne av arbeidsgruppa, beste helsing frå
Ingrid Steine Bortne
Programleiar barnehage- og skuleutvikling i Sognaregionen
Viktig informasjon
Stad: HVL, Sogndal campus. Klasserom Ålfoten, 1.etg i Høgskulebygget. Sjå kart her: Høgskbygget 1.etg kl Ålfoten, Høgskulebygget, Campus Sogndal - MazeMap
Tidspunkt: Tysdag 20.oktober 2026 kl 09.00-14.00.
Lunsj: Ja, enkel lunsj er inkludert.
Deltakaravgift: Nei, samlinga vert dekka av regionale midlar.
Målgruppe: Alle som jobbar i barnehage. Du treng ikkje ha forkunnskapar om fagområdet eller brodering.
Kontaktinfo:
Ingrid Steine Bortne, programleiar ingrid.steine.bortne@sognaregionen.no
Mob: 48 25 03 06.