Fleire jenter til teknologifaga
Jenter i Tech 3.0 skal inspirere fleire jenter til teknologifag
Sognaregionen er partnar i prosjektet Jenter i Tech 3.0, eit regionalt samarbeid som skal bidra til at fleire jenter vel teknologifag. Prosjektet omfattar Sogn, Sunnfjord/Nordfjord og Hardanger/Voss, og byggjer vidare på erfaringar frå tidlegare satsingar i regionen.
Gjennom praktiske aktivitetar, møte med kvinnelege rollemodellar, samarbeid med næringslivet og kompetanseheving for foreldre, lærarar og rådgjevarar skal prosjektet bidra til å gjere teknologifaga meir synlege og attraktive for jenter.
Målet er å utvikle ein dokumentert og skalerbar modell for rekruttering til teknologifag som kan takast i bruk i heile Vestland. Prosjekteigar er Vestlandsforsking. Prosjektet samlar 23 partnarar frå forsking, utdanning, næringsliv og offentleg sektor.
Prosjektperioden er frå hausten 2026 til desember 2027.
