TryggEst
Sammendrag
Prosjektet TryggEst Indre Sogn handlar om å førebyggje og avverje vald og overgrep mot risikoutsette vaksne i kommunane Aurland, Luster, Lærdal, Sogndal, Vik og Årdal.
Målet er å innføre TryggEst-modellen i regionen, byggje kompetanse hos tilsette i helse- og omsorgstenester, NAV, politi og andre relevante aktørar, og etablere felles rutinar, kontaktpunkt og tverrfagleg samarbeid på tvers av kommunane.
Prosjektinnhald
Prosjektet TryggEst Indre Sogn handlar om å førebyggje og avverje vald og overgrep mot risikoutsette vaksne i kommunane Aurland, Luster, Sogndal, Vik og Årdal. Målet er å innføre TryggEst-modellen i regionen, byggje kompetanse hos tilsette i helse- og omsorgstenester, NAV, politi og andre relevante aktørar, og etablere felles rutinar, kontaktpunkt og tverrfagleg samarbeid på tvers av kommunane.
Prosjektet er lagt opp med seks hovudområde:
forankring og organisering
kompetanseheving
informasjon og synleggjering
system og rutinar
tverrfagleg samarbeid
evaluering
Sogndal kommune stiller med TryggEst-koordinator. Kommunane skal ha lokale kontaktpersonar og gjennomføre tiltak, med fagleg støtte frå RVTS og Krisesenteret. NAV, politi og frivillige skal inngå i det tverrfaglege samarbeidet.
Fakta om prosjektet
Prosjektperiode:
2025-2027
Prosjektleder:
Tina Klevan
Styringsgruppe:
Helsenettverket Sogn KO
TryggEst – vern for risikoutsatte voksne
TryggEst er Bufdir si nasjonale ordning for å førebyggje, avdekkje og handtere vald, overgrep og omsorgssvikt mot vaksne som kan vere i ein sårbar livssituasjon. Målgruppa er personar som på grunn av alder, sjukdom, funksjonsnedsetjing eller andre forhold kan ha redusert evne til å verne seg sjølve eller vareta eigne interesser. Målet er å sikre at desse personane får betre vern og rask hjelp dersom dei blir utsette for vald eller overgrep.
Ordninga byggjer på at kommunane etablerer eigne TryggEst-team som tek imot bekymringsmeldingar, vurderer saker og koordinerer oppfølging på tvers av tenester og fagområde. Teamet samarbeider mellom anna med helse- og omsorgstenester, politi og andre relevante aktørar for å sikre heilskapleg oppfølging. Gjennom dette arbeidet skal TryggEst bidra til at utsette vaksne ikkje fell mellom ulike tenester eller ansvarsområde.
Bufdir tilbyr rettleiing, kurs, e-læring, informasjonsmateriell og tilskotsordningar til kommunar som ønskjer å ta i bruk eller vidareutvikle TryggEst. Ordninga er teken i bruk i kommunar over heile landet og legg stor vekt på kompetanseheving, tverrfagleg samarbeid og systematisk arbeid for å skape tryggare lokalsamfunn for risikoutsette vaksne.
Ressursar
